Ус зайлуулах хоолойг даван урссан усны улмаас айлууд усанд авжээ

Өчигдрөөс эхлэн орсон ширүүн борооны улмаас зам дээр их хэмжээний ус тогтож явган зорчигч болон автомашин замын хөдөлгөөнд оролцоход онцгой хүндрэл учирах болсон. Мөн шинэ тавигдаж буй замын ажил болоод энэ онд ашиглалтанд оруулсан замыг борооны ус ихээр эвдэж эхэлсэн.

Тиймээс Нийслэлийн Хот тохижилтын газраас борооны тогтоол усыг соруулах ажлыг өглөөний 08 цагаас эхлэн өргөн бүрэлдэхүүнтэй зохион байгуулсан юм.

 Одоогоор Зам цэвэрлэгээний албаны 8 машин Энхтайваны өргөн чөлөө, Олимпийн гудамж, Бага тойруу, Их тойруу зэрэг замуудын борооны тогтоол усыг соруулж байгаа бөгөөд цаг агаарын урьдчилсан мэдээгээр бороо цаашид ч үргэлжлэн орох төлөвтэй байна. Харин нийслэлийн захын дүүргүүдэд ус зайлуулах хоолойг даван урссан усны улмаас олон айлууд усанд авсан байна.

Ugluu.mn