Өглөө.мн Шинэ өглөө, Шинэ мэдээлэл
Хаврын хуурайшилтын үе эхэлсэнтэй холбогдуулан Баянзүрх дүүргийн Засаг даргын Тамгын газраас дүүргийн Онцгой байдлын хэлтэстэй хамтран ой, хээрийн түймрээс урьдчилсан сэргийлэх зорилготой аяныг зохион байгууллаа.
Аяны хүрээнд иргэд олноор зорчдог, ой, хээрийн түймэр гарах эрсдэлтэй Төр хурхын ам, Цэцээ гүн, Манзуширын чиглэлд аялж буй 150 гаруй иргэнд ой хээрийн түймрээс урьдчилан сэргийлэх талаар зөвлөмж өгч, 180 зурагт хуудас, сэрэмжлүүлэг материал тараасан байна.Мөн аялагчдад галын аюулгүй байдлын тухай, Ойн тухай, Байгаль орчныг хамгаалах тухай хуулиудыг сурталчлах, ой, хээрийн түймэр гарсан үед байгаль хамгаалагчидтай хэрхэн хамтран ажиллах, урьдчилан сэргийлэх талаар зөвлөмж өгөв.
Түүнчлэн дүүргийн нутаг дэвсгэр буюу Богд хаан уулын Төр хурхын аманд аялал жуулчлалын чиглэлээр үйл ажиллагаа явуулдаг найман аж ахуйн нэгжид хяналт шалгалт явуулж, галын аюулгүй байдлыг хангах талаар заавар зөвлөгөөг өгчээ хэмээн Баянзүрх дүүргийн Хэвлэл мэдээллийн албанаас мэдээллээ.
