Олгой хэрхэн үрэвсдэг вэ?

Олгойн үрэвсэх хэлбэр нь олон янз бөгөөд хоол, хүнс, хялгас зэрэг янз бүрийн шингээгүй зүйлс, зарим тохиолдолд хорголон баас, цагаан хорхой олгойд орж  үрэвсүүлдэг байна. Гэдэс өвдсөн тохиолдолд болж л өгвөл мэс заслын эмчид үзүүлэх зүйтэй аж. Олгой өвдөхдөө гүйлгэн эхний үед ходоодон дээр өвдөж, 1-2 цагийн дараа хэвлийн баруун доод уруу өвдөлт нь шилждэг байна.

Мөн 1-2 удаа бөөлжих шинж тэмдэг илэрч, бага зэрэг халуурдаг байна. Өвдөлт хурц бус, аажим өвдөж, хоол унданд дургүй болж хэлэнд цагаан өнгөр тогтдог. Энэ байдал ердөө эхний өдөр л илэрч, 24 цагийн дотор хагардаг учраас яаралтай хагалгаанд орох хэрэгтэй болдог байна.