Том оврын автобусны ар талд сэрэмжлүүлэг байршуулжээ

Амралт, аялал жуулчлалын цаг эхэлж хөдөө орон нутагт хувийн тээврийн хэрэгслээр зорчих, аялал зугаалга хийх нь ихэсдэг. Иймд орон нутагт зорчиж буй нийт жолооч, зорчигчдыг зам тээврийн ослоос урьдчилан сэргийлэх зорилгоор дараах сэрэмжлүүлгийг байршуулжээ. Тодруулбал, орон нутгийн замд дүрмээ баримтлан, соёлтой оролцох, буруу дадал зуршил, хандлагыг өөрчлөх зорилгоор Автотээврийн үндэсний төвөөс гэрээт даатгалын компаниудтай хамтран хот хоорондын зорчигч тээврийн үйлчилгээ үзүүлдэг том оврын автобуснуудын арын цонхон дээр хурдыг тохируулах, согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх, анхаарал болгоомжтой зорчих талаар сэрэмжлүүлгийг нийт 102 тээврийн хэрэгсэлд байршуулсан байна.