Өглөө.мн Шинэ өглөө, Шинэ мэдээлэл
Булган аймгийн Хутаг-Өндөр суманд болсон байгалийн аюулт үзэгдэлд өртсөн хоёр хүүхэд өнөөдөр эмнэлгээс гарчээ. Тус суманд бороо орж, 2,5-4 см хүртэл диаметртэй мөндөр бууж, 28 м/сек хурдтай салхины улмаас 7 настай, эмэгтэй А мөндөрт цохигдон биедээ гэмтэл авч, 7 настай, эрэгтэй Т аянга цахилгааны долгионд цохигдон эмнэлэгт хүргэгдсэн байна.
Мөн байгалийн гэнэтийн аюулын улмаас сумын төвийн 16 айлын гэр нурж, 64 байшингийн дээвэр эвдэрч, 10 аж ахуйн нэгж, байгууллагын цонх хагарч, 149 машины салхины шил, гэрэл хагарчээ. Мөн газар тариалангийн нэг аж ахуйн нэгжийн ургац мөндөрт цохигдсон байна
