“Сарлагийн наадам” өнөөдөр болно

Аялал жуулчлалын улирал эхэлсэнтэй холбогдуулан жуулчдад зориулсан олон арга хэмжээ байгуулагдаж байгаа билээ.Тухайлбал, “Сарлагийн наадам”. Энэхүү наадмыг жил бүр зохиогддог. Энэ жилийн хувьд Баянхонгор аймгийн Шаргалжуут тосгоны “Хадаагийн булаг” гэдэг газар өнөөдөр болно. Уг наадмын хүрээнд хүчит бөхийн барилдаан, ихэр тугалын баяр, шилмэл бух шалгаруулах ёслол, сарлагийн сүү цагаан идээ бүтээгдэхүүний үзэсгэлэн худалдаа, сарлагийн уралдаан зэрэг үйл ажиллагааг зохион байгуулах юм байна.