“Шөнийн парк” хөтөлбөр орой 21:00 цагаас эхэлнэ

Үндэсний соёл амралтын хүрээлэн “Шөнийн парк” хөтөлбөрийг өнөөдөр болон маргааш хоёр өдөр зохион байгуулагдана.

“Шөнийн парк” хөтөлбөр оройн 21.00-02.00 цагийн хооронд болно. Энэхүү “Шөнийн парк”  ирсэн хүн бүр 20 мянган төгрөгийн тасалбар авч үйлчлүүлэх ёстой. Ингэснээр шөнийн 02.00 цаг хүртэл хүссэн тоглоом дээр хязгааргүй тоглох боломжтой юм байна.Мөн энэ үеэр цирк, иог, илбийн үзүүлбэр үзүүлэхээс гадна дуучин Маралжингоо, “Мөнгөн бүрээ”, “Содон” хамтлаг ая дуугаа өргөнө.