10 нас хүрээгүй ч, хүүхэд төрүүлсэн охид

Өөрөө хүүхэд атлаа хүүхэд тээж, төрүүлсэн бяцхан охидын тухай сонирхолтой баримтуудыг хүргэж байна. Дэлхийн өнцөг булан бүрт бүртгэгдсэн, байж боломгүй төрөлтүүдийн тухай хүргэе!

1. Лина Медина /5 настайдаа/

Перу улсын Декропа дүүрэгт амьдардаг байсан Лина Медина хэмээх бяцхан охин 5 настайдаа хүүхэд төрүүлж байжээ. Тэр  2,64 кг жинтэй, 47,5 см урттай Жерардо хэмээх хүү төрүүлсэн байна. Харамсалтай нь хүү долоохон сар амьдарчээ. Тухайн үед эмч нар Лина охиныг хэрхэн жирэмслэсэн болохыг мэдэлгүй өнгөрсөн ч хожим аав нь хүчиндсэн болох нь тогтоогдсон байна. Охиныг аав нь дахин хүчиндэж байгаад баригдаж энэ бүх бузар хэрэг нь илчлэгдсэн ажээ.

2.  Элизабета /Лиза/ Грушунко /6 настайдаа/

Элизабета Грушунко буюу Лиза гэдэг нэрээр нь хүмүүс мэдэх болсон бяцхан охин 6 настайдаа 3 кг, 52 см урттай хүүхэд төрүүлсэн байна. Охиныг өвөө нь хүчирхийлж жирэмсэн болгосон бөгөөд шинээр мэндлэсэн хүү нь ердөө 7 хоног л амьдарсан байна. Энэ гутамшигт хэрэг Зөвлөлт холбоот улсын үед тохиолдсон бөгөөд Лиза охин болон хүчирхийлэгч өвөөд юу тохиолдсон нь нууц хэвээр үлджээ.

3. Зулма Гуадалупэ Моралес /8 настайдаа/

Зулма Гуадалупэ Моралес хэмээх Мексик охин 8 настайдаа “Үндэсний төв эмнэлэг”-тээ амаржин 7,04 паунд хүүхэд төрүүлжээ. Зулма охины эцэг эх төрсөн хүүхдийн хүйс нэр гээд бүх зүйлсийг нууцласан юм. Тэд энэ бол гутамшигтай хэрэг гэж үзсэн байна. Мөн охиныг жирэмслүүлсэн хүн хэн болохыг тогтоож чадаагүй байна. Зулма охин Мексикт төрсөн хамгийн залуу ээж болон рекорд тогтоожээ.

4. Ванвиса Жанмук /9 настайдаа/

Ванвиса Жанмук хэмээх 9 настай Тай охины төрсөн түүх нь бусад охидоос ихээхэн ялгаатай. Учир нь тэр өөрийн улсдаа зөвшөөрөгдсөний дагуу 8 настайдаа 27 настай залуутай гэрлэж, 9 настайдаа хүүхэд төрүүлсэн байна. Тайландад эцэг эх нь зөвшөөрсөн бол насанд хүрээгүй охидтой гэр бүл болохыг зөвшөөрдөг ажээ.

5. Элена Киристеску /10 настайдаа/

Элена Киристеску хэмээх Испани охин 10 нас 6 сартайдаа анхны хүүхдээ төрүүлжээ. тэр 2,9 кг жинтэй эрүүл охин төрүүлсэн бөгөөд хүүхэддээ Николлета Наркисса хэмээх нэр өгсөн байна. Хамгийн сонирхолтой нь охин өөрөөрөө төрсөн бөгөөд охиныых нь эцэг 13 настай Жеорже Мекис хэмээх хүү байжээ.

6.  Тули Шака /10 нас 6 сартайдаа/

Тули Шака хэмээх хойд Африк охин 10 нас 6 сартайдаа бяцхан хүү төрүүлжээ. Тули кисеров хагалгаа хийлгэн хүүхдээ төрүүлсэн байна. Охин “Вулиндлела” дунд сургуульд суралцаж байхдаа жирэмсэлжээ. Хүүхдийн эцэг нь тодорхойгүй.

7. Дафни /9 настайдаа/

Дафни хэмээх Мексик онин 9 настайдаа ээж болжээ. Тэр 17 настай залуутай болздог байсан аж.

8. Монсеррат Алварадо Гомез /10 нас 6 сартайдаа/

Монсеррат Алварадо Гомез охин 10 нас 6 сартайдаа 2,3 кг цоо эрүүл хүүхэд төрүүлжээ. Хүүхдийнх нь эцэг түүний хөрш 47 настай эр байжээ. Ингээд Мексикийн хуулинд заасны дагуу насанд хүрээгүй охиныг хүчирхийлж хүүхэдтэй болгосон тул хөгшин эрд 11 жил хорих ял оноожээ. Мөн хүүхэддээ сар бүр тэтгэмж олгох ёстой аж.

Т.Наран