“Ларьдма” киноны хоёрдугаар анги дэлгэцнээ гарна

Гэр бүлийн хүчирхийллийн хар бараан сүүдрийг харуулсан “Ларьдма” кино нээлтээ хийсэн цагаас үзэгчдийг нэлээдгүй шуугиулж байсан цаг үе саяхан. Одоогоос гурван жилийн өмнө уг бүтээлийг найруулагч Ж.Сэнгэдорж найруулж,  гол дүрүүдэд жүжигчин Д.Пүрэвсүрэн, Б.Навчаа нар ажиллаж “Navchaa film” студи бүтээж  байсан. Тэгвэл тус киноны уран бүтээлчид киноны хоёрдугаар ангийг хийхээр зураг авалтдаа оржээ. Тухайлбал энэ сараас эхлэн зураг авалтдаа орсон талаар жүжигчин Б.Навчаа цахим хуудсаар дамжуулан мэдэгдлээ. “Ларьдма” киноны өмнөх ангид өгүүлсэн зүрх шимшрэм түүх хэрхэн үргэлжлэхийг харах үлдлээ.