Өглөө.мн Шинэ өглөө, Шинэ мэдээлэл
Боловсрол суваг телевизээр цацагдсан “Mongolians next top model” тэмцээний супер ялагч Б.Цэрэндолгор мэргэжлээ сольж жүжигчний карьераа эхлүүлжээ. Тэрбээр ирэх сарын 8 нд нээлтээ хийх ” Гурван найз эргэж ирсэн нь” кинонд тоглож туслах дүрд бүтээсэн гэнэ.
Б.Цэрэндолгор “Mongolians next top model” тэмцээний ялагч тодорч олон компаниудын нүүр царай болохын зэрэгцээ нэвтрүүлгийн шагнал болох Парис руу аялах эрхээ эдэлж, европын орнуудыг тойрч байгаад ирсэн сурагтай. Аяллын хугацаанд Швейцар, Итали, Францыг хамт үзжээ. Үүний дараа үндсэн шагнал болох Монголын үүрэн телефоны оператор G Mobile-ийн нүүр царайгаар тодорч хэд хэдэн сурталчилгаанд оролцсон юм.
Б.Цэрэндолгорыг кинонд хэрхэн дүр бүтээснийг ирэх сарын 8-нд бүх кино театруудаар нээлтээ хийх ” Гурван найз эргэж ирсэн нь” киноноос харах л үлдлээ.
