Өглөө.мн Шинэ өглөө, Шинэ мэдээлэл
Саудын Арабын нийслэл Эр-Рияд хотноо саяхан нэгэн өвөрмөц гэрээ хийгджээ. Тодруулбал хөдөөний нэгэн малчин ямаагаа 12 сая саудын риалаар буюу 3.46 сая ам.доллараар зарсан байна. Амьтан судлаачид “3.5 сая ам.доллар арай хэтэрсэн үнэ ч энэ амьтан тун ховор төрлийн үүлдэр бөгөөд өвөрмөц гэдгээрээ алдартай” гэж тэмдэглэж байна. Энэхүү гэрээ олон нийтийн сүлжээ ашиглагчдын дунд нэлээд шуугиан тариад байгаа аж.
Ялангуяа төлбөрийн чек зүүсэн ямааны зураг интернэт хэрэглэгчдийн дургүйцлийг төрүүлсэн байна. Тэдний олонх нь “Сирийн хоёр сая гаруй иргэн Турк, Ливан, Иорданд майхан бариад хоноглож байхад ганц муу ямааг ийм их мөнгөөр авах ч гэж дээ. Бид бурхны илгээсэн мөнгийг илүү ашигтай зүйлд, хүмүүсийн сайн сайханд зарцуулах ёстой” хэмээжээ.
