“Single ladies” киноны гуравдугаар анги ирэх сард нээлтээ хийнэ

Жүжигчин Г.Ундармаагийн “U Film” кино компанийн уран бүтээл болох “Single ladies”романтик инээдмийн кино 2013 онд үзэгчдийн хүртээл болж байсан. Харин тус киноны хоёрдугаар анги дэлгэцнээ хоёр жилийн өмнө гарч үзэгчдийг дахин шуугиулсан юм.

 Г.Ундармаа уг киноныхоо талаар “Ганц бие бүсгүйчүүдэд жаргал зовлон байдгийн адил гэр бүлтэй эмэгтэйчүүдэд ч өөрийн гэсэн жаргал, бас бэрхшээл бий. Хүн өөрийнхөө аз жаргалыг мэдэрдэггүй, бусдын аз жаргал тэмүүлэх нь бий. Тиймээс таны аз жаргал дэргэд чинь байна шүү гэдгийг харуулахыг зорьсон” гэж хэлж байсан. Тэгвэл тус киноны гуравдугаар ангийн зураг авалт дуусч  ирэх сарын  18-нд нээлтээ хийхээр болжээ. Гурван найз бүсгүйн амьдрал хэрхэн үргэлжлэхийг дэлгэцээс харах л үлдлээ