“Ухаарч амьдрах хорвоо”киноны уран бүтээлчид Монголын үзэгчидтэй уулзав

“Ухаарч амьдрах хорвоо” киноны зохиолыг бичсэн Ван Липин, гол дүрийн жүжигчин Хү Гэ, Янь Ни, найруулагч Шя Шяожүн

9-р сарын 7-нд Хятадын “Ухаарч амьдрах хорвоо” олон ангит уран сайхны киноны уран бүтээлчид Улаанбаатар хотод Монголын үзэгчидтэй уулзалт зохион байгууллаа. Уг уулзалтыг ХОУР, МҮОНР хамтран зохион байгуулж байгаа юм. Тус киноны зохиолыг бичсэн Ван Липин, найруулагч Шя Шяожүн, гол дүрийн жүжигчин Хү Гэ, Янь Ни нар Монголын үзэгчидтэй уулзаж, халуун яриа өрнүүлэх болно. Хятадаас Монгол улсад суугаа бүрэн эрхт элчин сайд Шин Хаймин, Хятадын хэвлэл мэдээлэл, радио телевизийн үндэсний газрын Олон ангит киноны хэрэг эрхэлсэн газрын орлогч дарга Ян Жэн, МҮОНРТ-ийн захирал Л.Нинжжамц, ХОУР-гийн Кино орчуулгын газрын дарга Хүмүжилт нар болон “Ухаарч амьдрах хорвоо” киноны уран бүтээлчид, монгол дуу оруулагч тэрчлэн үзэгчдийн төлөөлөл гээд 150 гаруй хүн арга хэмжээнд оролцжээ.

Уулзалт МҮОНТ-гийн  “Студи 600”-д болсон бөгөөд МҮОНТ нэвтрүүлэг бэлтгэж, олон нийтийн сайтаар уулзалтад оролцох үзэгчдийг бүртгэн авсан юм. Уулзалт дээр киноны хэсгээс үзүүлж, дараа нь Хү Гэ, Янь Ни Монголын дуу оруулагчид, үзэгчидтэй халуун яриа өрнүүлсэн байна.

Хү Гэ, Янь Ни “Ухаарч амьдрах хорвоо” кинонд монголоор дуу оруулж байна

Уулзалтын дараа Элчин сайд Шин Хаймин МҮОНТ-д ярилцлага өгч, Хятад Монгол хоёр орны улсын зэрэглэлийн хэвлэл мэдээллийн байгууллага кино орчуулан дуу оруулах салбарт амжилттай хамтран ажилласныг өндрөөр үнэлжээ. Үүнээс гадна,  “Ухаарч амьдрах хорвоо” олон ангит уран сайхны киноны зохиолыг бичсэн зохиолч, найруулагч, гол дүрийн жүжигчин Хү Гэ, Янь Ни нар бас Өнөөдөр сонин, МҮОНРТ-д ярилцлага өгсөн байна.

ХОУР, МҮОНТ хамтран Хятадын “Ухаарч амьдрах хорвоо” олон ангит киног орчуулан үйлдэж 7-р сарын 17-ноос МҮОНТ-ийн “Хятад кино театр”  төслөөр олон нийтэд цацаж, Монголын олон үзэгчдэд хүргэсэн юм.