Өглөө.мн Шинэ өглөө, Шинэ мэдээлэл
15 жилийн өмнө сайн дурын ажилтан Келли О Коннел бүсгүй амьтдын асрах газарт 12 долоо хоногтой бяцхан гөлгийг үрчилж авсан юм. Хожим Чарли хэмээн нэрлэгдсэн бяцхан гөлгийг тухайн үед картон цаасанд хийгээд орхисон байсныг нь Келли өөртөө авчээ.
Энэ явдлаас 15 жилийн хойно, Келли дурлалт залуу Жеймс Гарвинтай хуримлахаар болж, тэдний хурим энэ сарын эхээр болсон юм. Харин Чарли нохой тархины хорт хавдартай болсон байжээ. Келлигийн хуримын өмнөхөн Чарлигийн хавдар хамгийн эцсийн шатандаа орсон гэдгийг Келли мэдээд ихэд гуниглаж байлаа.
Амьдралынх нь хамгийн дурсгалт, аз жаргалаар дүүрэн хуримын өдөр айсуй авч, 15 жилийг хамтдаа үдсэн хайртай нохойных нь үхэл мөн ойртож түүнийг гуниглуулж байсан юм.
Төлөвлөсөн ёсоор Келли, Гарвин нар хуримласан тэр өдөр Чарли нохой эзэндээ хамгийн сүүлчийн хайраа зориулсан юм. Чарли тэр өдөр эв эрүүл, залуухан нохой шиг л эрч хүчтэй, сайхан харагдаж байсан гэдэг. Чарли хавдрын улмаас босч ч чадахгүй байсныг мэдэх хүмүүс хуримын ёслолд оролцож байхыг нь хараад нулимсаа барьж тэвчсэнгүй. Ингэж л хүний үнэнч андын бас нэгэн гайхалтай түүхийг Чарли үргэлжлүүллээ. Хуримын ёслолоос долоо хоногийн дараа буюу энэ сарын есөнд Чарли хайртай хүмүүсийнхээ хажууд амьсгал хураажээ. Амьдралын минь хамгийн гайхалтай он жилүүдийг бэлэглэсэн Чарлигаа үргэлж санан дурсах болно гэж Келли бүсгүй ярьсан байдаг.
