Өглөө.мн Шинэ өглөө, Шинэ мэдээлэл
Дэлхийн хамгийн их уншигчтай “Play Boy” сэтгүүлийн үүсгэн байгуулагч Хью Хефнер 91 насандаа таалал төгссөн тухай бид мэдээлсэн. Тэрбээр 1926 оны 4-р сарын 9-нд Иллинойс муж улсын Чикаго хотноо мэндэлсэн бөгөөд 1953 онд сэтгүүлээ үүсгэн байгуулж дэлхийн хамгийн баян эрхмүүдийн тоонд багтсан байдаг. Хью Хефнерийн талаарх сонирхолтой 10 баримтыг хүргэж байна.
-Хью Хефнерийг Хеф хэмээн товчилж дууддаг. Түүний оюун ухааны чадвар IQ нь 152 байсан гэдэг. Энэ бол элитүүдийн эгнээнд багтахад хангалттай тоо.
-Иллионисийн их сургуулийг сэтгэл судлалаар төгссөн. Тэрбээр дөрвөн жил суралцдаг хичээлийг хоёр жил хагасын дотор л үзээд төгссөн нэгэн.
-Анх “Playboy” сэтгүүлийг үүсгэн байгуулахад ээж Грэйс нь хүүдээ 1000 ам.доллар зээлүүлж байв.
-“Playboy” сэтгүүлийн анхны дугаарыг 1953 оны арваннэгдүгээр сард хэвлэж, уншигчдын гарт очсон юм. Гэхдээ энэ дугаарт өдөр, сарыг нь хэвлээгүй. Учир нь Хью Херфер дампуурахаас айдаг байв.
– Хью Хефнер гэрийнхээ гал тогооны өрөөнд сэтгүүлээ анх хэвлэж байсан түүхтэй.
-1960 онд Хью Хефнер Чикаго хотод анхны “Playboy Club”-ээ нээж, энэ клубт арьс өнгөөр ялгаварлалгүй, бүх хүмүүс орохыг зөвшөөрдөг байлаа.
– Хью Хефнер дэлхийн сэтгүүл зүйн түүхэнд хамгийн удаан хугацаанд ерөнхий редактороор ажилласан гэдэг. Анхны дугаараас эхлүүлээд өнгөрсөн дөрөвдүгээр сар хүртэл бүх дугаарыг удирдсан билээ.
