Ерөнхий сайдаар У.Хүрэлсүхийг томилох асуудлыг УИХ-ын Төрийн байгуулалтын байнгын хороогоор хэлэлцэнэ

УИХ-ын Төрийн байгуулалтын байнгын хорооны хуралдааныг өнөөдөр 12.00 цагт товлоод байна.

Уг хуралдаанаар Ерөнхий сайдаар Шадар сайдын үүрэг гүйцэтгэгч У.Хүрэлсүхийг томилуулах тухай саналыг хэлэлцэх юм.Өнгөрсөн даваа гарагт МАН-ын Бага хурлаас Шадар сайдын үүрэг гүйцэтгэгч У.Хүрэлсүхийг Ерөнхий сайдад нэр дэвшүүлэхээр болсон билээ. Улмаар МАН-ын дарга М.Энхболд лхагва гарагт У.Хүрэлсүхийн нэрийг Ерөнхийлөгчид нэрийг нь өргөн мэдүүлж, зөвшилцсөнөөр УИХ-ын чуулганд оруулахаар болсон. УИХ-ын Намрын ээлжит чуулган ирэх сарын 2-ны өдөр буюу даваа гарагт нээнэ. Тиймээс өнөөдөр Төрийн байнгын хорооны хуралдаанаар уг асуудлыг хэлэлцэхээр болсон байна.