Өглөө.мн Шинэ өглөө, Шинэ мэдээлэл
Хошин урлагийн шилдгүүдийн нэг жүжигчин Г.Ундармаагийн хуримын ой тохиож байна. Тэрбээр “U film” студийн захирлаар ажиллаж кино урлагийн ертөнцөд содон өнгө төрхийг бүтээж буй. Түүний найруулж буй “Single ladies” киноны гуравдугаар анги энэ сарын 18-нд үзэгчдийн хүртээл болохоор зэхэж байна. Тэрбээр өөрийн цахим хуудаснаа амьдралынхаа нэгэн гайхалтай мөчийг хуваалцаж, ханьдаа сэтгэлийнхээ үгийг хэлсэн байна.
“Өглөөний мэндээ! Арван хэдэн жилийн өмнө яг энэ өдөр маргааш айлын бэр гэрийн эзэгтэй болно гээд догдолж байжээ. Аав ээжийн эрхийн тэнэг охиныг алган дээрээс нь өөрийн алган дээрээ авч буулгахгүйгээр үргэлж илж эрхлүүлж байдаг хань минь. Тэр үеийн тэр олон тарган, туранхай, гоё биетэй, өндөр, нам, ухаалаг, боловсролтой, гоё өгзөгтэй, нарийхан бэлхүүстэй охид дундаас ганцхан намайгаа сонгосон энэ залууг үргэлж хайралдаг юм. Олон хэцүү даваа таарсан өөрөө эхэлж гараад намайгаа татаад л бас үүрч давсан” хэмээн бичсэн байна. Тэдний зургуудаас хамтдаа сонирхъё.
