Өглөө.мн Шинэ өглөө, Шинэ мэдээлэл
НИТХ-ын даргыг сонгох хурал яг одоо үргэлжилж байна. 10 цагаас эхэлсэн уг хуралд 41 гишүүн оролцож одоогийн байдлаар АН-ын гишүүд нэг цагийн завсарлага аваад буй. Завсарлага авах болсон шалтгаанаа нэр дэвшигчтэй холбоотой асуудал байна хэмээн тайлбарлажээ. Харин хурал болж буй Хангарьд ордны гадаа нэгэн иргэн эсэргүүцлээ илэрхийлсэн байна. Тухайлбал Хархорин захын гадна талд жижиглэн худалдаа эрхлэгч иргэн С.Мишгээ хурлын танхимд орж үг хэлэх гэтэл хамгаалагч нар нь дотогш нэвтрүүлээгүй аж. Тэрбээр гаднах хувцсаа тайлж удирдлагуудтай уулзах хүсэлтэй байгаагаа ийнхүү илэрхийлжээ.
