Apple iOS 11.1 загвартаа шинэ “эможи”-нууд оруулжээ

Apple саяхан iPhone, iPad-даа сүүлийн үеийн iOS 11.1-г оруулсан бөгөөд үүнд “эможи”-н олон шинэ хувилбар багтсан байна. iOS 11.1-аар утсандаа хамгааллын шинэчилсэн тохируулга хийх бөгөөд өөр хэд хэдэн тохиргоог хийх ч боломжтой. Мөн үүгээр утсандаа шинэ дүрс загварын “эможи”-г суулгах боломжтой юм. Хүн рүү мессеж бичихдээ сэтгэл хөдлөлөө харуулдаг эдгээр олон “эможи”-ноос сонгох боломжтой боллоо. Тэд олон улсын стандартын “Unicode” консорциумаас зөвшөөрөл авсныхаа дараа үүнийг нэвтрүүлсэн.