НИТХ-ын ээлжит бус хуралдаан эхэллээ

НИТХ-ын ээлжит бус хуралдаан Хангарьд ордонд эхэллээ. НИТХ-ын хуралдаан эхэлсэн ч хаалттай горимд  шилжлээ. Хуралдаан үргэлжилж хаалттай горимд шилжсэн тул сэтгүүлчдийг үдээс хойш дотогш нэвтрүүлэхээр болжээ.

Өнөөдрийн ээлжит бус хуралдаанаар дараах асуудлуудыг хэлэлцэнэ. НИТХ-ын ээлжит бус хуралдаанаар:

-НИТХ-ын дотоод зохион байгуулалтын тухай,

-Нийслэлийн эдийн засаг, нийгмийг 2018 онд хөгжүүлэх үндсэн чиглэл батлах тухай,

-Агаар, орчны бохирдлыг бууруулах чиглэлээр 5-9 дүгээр сард хэрэгжүүлсэн үйл ажиллагааны тусгай төлөвлөгөөний биелэлтийн талаар хэлэлцэхээр болжээ.