Өглөө.мн Шинэ өглөө, Шинэ мэдээлэл
Их Британийн ханхүү Харри энэ оны эхээр Америкийн нэрт жүжигчин Меган Марклтэй болзох болсон. Тэгвэл тэд энэ сарын эхээр Лондонд сүй тавьснаа албан ёсоор мэдэгдсэн бөгөөд хурим ирэх оны хавар болох гэнэ. Ханхүү Харри ойр дотнынхон болон ээждээ энэ талаараа мэдэгдээд байгаа бол Меган Марклын эцэг эх нь тэдний хуримыг хэдийнээ зөвшөөрсөн гэнэ. Меган Марклын талаар товчхон өгүүлэхэд тэрбээр өдгөө 36 настай жүжигчин, загвар өмсөгч мэргэжилтэй бүсгүй юм.
Ханхүү Харритай 2016 оноос эхлэн үерхсэн бөгөөд нийгмийн сайн дурын ажил, хүмүүнлэгийн үйлд идэвхтэй бүсгүй юм. Тэрбээр жүжигчний ажлын хажуугаар загварын блог хөтөлж, 10 гаруй кинонд дүр бүтээсэн байдаг. Меган сүйт залуугаасаа гурван насаар эгч бөгөөд өмнөх нөхрөөсөө 2013 онд салж байжээ. Хэрэв Меган Маркл хааны гэр бүлийн албан ёсны гишүүн болбол кино урлагийн карьеараа өндөрлүүлж, ордны тогтсон дэг журмын дагуу “гүнгийн авхай” нэрээр амьдрах юм. Түүний олонд таашагдсан зургуудаас хүргэж байна.
