20 гаруй жил гудамжинд амьдарсан эрийг өөрчилж, танигдахын аргагүй болгожээ

Энэ залууг Жөүс Антонио гэдэг. Тэрээр 25 жилийн турш гудамжинд амьдарчээ. Гэтэл саяхан Испанийн “La Salvajeria” гоо сайхны салоноос түүний гадаад төрхийг нь өөрчлөх санал тавьжээ. Уг саналыг тэрээр хүлээн авч, 20 насаар залуу харагдах болсон нь олныг гайхшруулжээ. Тэр ч бүү хэл өөрийнхөө өөрчлөлтийг харсан Жөүс Антонио уулга алдан “Энэ чинь би мөн гэж үү. Үнэхээр гайхалтай. Би үнэхээр огт өөр хүн болжээ. Би хэн гэдгээ хэлэхгүй л бол хүмүүс намайг танихгүй юм байна” хэмээн нулимс дуслуулан ярьжээ. Түүний өөрчлөлтийн тухай энэхүү видеог фэйсбүүкт хоёр хоногийн дотор хамгийн өндөр хандалт авсан байна.