Өглөө.мн Шинэ өглөө, Шинэ мэдээлэл
Их Британийн ханхүү Харри энэ оны эхээр Америкийн нэрт жүжигчин Меган Марклтэй болзох болсон. Тэгвэл тэд өнгөрсөн арваннэгдүгээр сарын эхээр Лондонд сүй тавьснаа албан ёсоор мэдэгдсэн бөгөөд хурим ирэх оны хавар болох гэнэ.
Меган Марклын эцэг эх нь тэдний хуримыг хэдийнээ зөвшөөрсөн гэнэ. Меган Марклын талаар товчхон өгүүлэхэд тэрбээр өдгөө 36 настай жүжигчин, загвар өмсөгч мэргэжилтэй бүсгүй юм.
Тэрбээр жүжигчний ажлын хажуугаар загварын блог хөтөлж, 10 гаруй кинонд дүр бүтээсэн байдаг. Меган сүйт залуугаасаа гурван насаар эгч бөгөөд өмнөх нөхрөөсөө 2013 онд салж байжээ.
Меган Маркл өнгөрсөн есдүгээр сард “Vanity fair” сэтгүүлд ярилцлага өгөх үеэрээ “Бид бие биедээ хязгааргүй их хайртай бүхий л зүйл хувь тавилангаар яваа мэт санагддаг. Харри бид хоёр аз жаргалтай олон цаг мөчүүдийг хамт өнгөрүүлсэн. Гэхдээ олон нийтэд ил гаргаж болохгүй үнэт зүйл бий”хэмээн ярьжээ.
