Нисэх онгоцны буудалд 10 жил амьдарсан эр

Бээжин хотын нисэх буудалд Вэй Жяньгуо гэх 53 настай хятад эр 10 жил амьдарчээ. 2008 онд эхнэртэйгээ муудалцаад гэрээсээ гарсан тэрбээр Бээжингийн Капитал олон улсын нисэх буудалд амьдардаг болжээ.

Вэй Жяньгуо гэрээсээ авчирсан цахилгаан тогоондоо хоолоо хийж иддэг аж. Хүлээлгийн танхимын сандлуудын хооронд хуучин, муу хөнжил дэвсэж, өөртөө ор засаад унтчихдаг. Гэрээсээ авч гарсан ойр зуурын хэрэглээний зүйлсээ түрдэг тэргэнд хадгалдаг байна.