Өглөө.мн Шинэ өглөө, Шинэ мэдээлэл
“Уолт Дисней” компани “20-р Зуун Фокс” кино компанийг 52.4 тэрбум ам доллараар худалдан авсан тухайгаа зарлажээ. “Уолт Дисней” компани нь 20-р зуун Фокс компанийн кино болон телевизийн студи, эзэмшихээр болж байгаа юм байна.
“Фокс компаний эзэн өдгөө 86 настай Руперт Мурдокын хувьд амжилтанд хүрэхийн тулд бүхий л насаа зориулсан компанийхаа томоохон хэсгээс зарах болсон нь хэцүү шийдвэр байсан нь дамжиггүй” гэж BBC агентлагаас мэдээлсэн байна.
“Компаниудын зүгээс 12-18 сарын дотор худалдан авах ажиллагааг бүрэн дуусгахаар зорьж байна” гэж албаныхан мэдээллээ. Энэхүү үйл явдалтай холбогдуулан ерөнхийлөгч Доналд Трамп 20-р зуун Фокс компанийн эзэн Руперт Мурдокт Уолт Дисней компанитай сайн гэрээ хэлэлцээр хийсэнд нь баяр хүргэснийг пүрэв гарагт АНУ-ын Цагаан ордоны хэвлэлийн төлөөлөгч Сара Сандерс уламжилжээ.
