Прияанка Чопра: Хүмүүс намайг алдрын оргилд хүрсэн гэдэг ч энэ нь миний хувьд дөнгөж эхлэл

Холливудын бүрэн хэмжээний болон цуврал кинонуудад тоглож, НҮБ-ын энх тайвны элч болсон Энэтхэгийн 35 настай жүжигчин Прияанка Чопра он гарсны дараа “Энэ бол дөнгөж эхлэл” гэжээ. Тэрээр өнөөдрийг хүртэл 60-аад кинонд тоглож, долоон дуу гаргасан.

АНУ-ын реппер, поп дуучин, хөгжмийн зохиолч, продюсер Armando Christian Pirez буюу бидний мэдэх Pitbull-тай хамтран клип гаргасан. Black Eyed Peas-ийн дуучин Will.I.am-тай хамтран In My City дууг хийсэн. Өөрийн карьертаа 53 шагнал хүртсэн амжилттай.

Энэ жил “A kid like Jake”, дараа жил “Isn’t it Romantic?” кино нь нээлтээ хийнэ. Прияанка 2000 онд “Дэлхий Мисс” болсон. Forbes сэтгүүлийн хамгийн их ашиг орлоготой жүжигчдийн жагсаалтын наймдугаарт, энтертайнмент ертөнцөд хамгийн их нөлөөтэй хүмүүсийн 15-д бичигдсэн. Түүний жилийн орлого 10 сая ам.доллар.

2016 онд Unicef-ийн энх тайвны элч болсон. Гэвч жүжигчин бүсгүй “Хүмүүс намайг алдрын оргилд хүрсэн гэдэг ч энэ нь миний хувьд дөнгөж эхлэл. Надад өөр ямар хүч тэнхээ байна гэж өөрөөсөө асуудаг. Энэ талаар бодоход л сэтгэл түгшиж эхэлдэг. Өөрийгөө би дутуу байна. Өшөө илүү хичээх ёстой гэж боддог. Хүний оюун ухаан, дотоод сэтгэлтэй харьцуулахад манай дэлхий үнэхээр жижигхэн. Би Холливудын дөнгөж хаалгаар нь ороод байна. Болливудыг ч гэсэн дөнгөж мэдэрч эхлээд байна л гэж хэлэх байна” хэмээжээ.

Түүний дээд зэрэглэлийн сүүн шэйкний газар 2013 оны долдугаар сарын 25-ны өдөр нээлтээ хийсэн бөгөөд үүдэнд нь олон зуун шүтэн бишрэгч нь цугларчээ. “Exotic” гэх шинэ бүтээгдэхүүнийхээ найрлаганд өөрийн хамгийн дуртай жимснүүдээ оруулсан байна. Тодруулбал банана, бүйлс, карамельний шүүс, ванильтай зайрмаг. Үйл ажиллагаагаа Холливудын Санта Моника хотын “Мянган сүүн шэйк” нэртэй газарт тогтмол явуулахаар төлөвлөсөн.

Тэрээр “Би бүтээлч хүмүүст дуртай. Тэд бидний амьдралд өнгө, эмоци нэмдэг” хэмээжээ.