У. Уранчимэг:Өчүүхэн хөдөлмөрийг минь үнэлсэнд баярлалаа

Шилдэг уран бүтээлчид олгох “Мөнгөн мод” цом гардуулах ёслолын ажиллагаа 2017 оны 12 сарын 30-ны өдөр  зохион байгуулсан юм.

Уг наадмын ёслолын ажиллагаанд БСШУС-ын сайд Ц.Цогзолмаа, Засгийн газрын хэрэгжүүлэгч агентлаг Соёл, урлагийн газрын дарга Г.Эрдэнэбат, Монгол Улсын Ерөнхий сайдын Соёлын зөвлөх Х.Дамдинсүрэн нар  оролцсон бөгөөд шалгаруулалтыг тайз, дэлгэцийн шилдэг найруулагч, тайз дэлгэцийн шилдэг зураач, тайз дэлгэцийн шилдэг жүжигчин, шилдэг дуучин, шилдэг хөгжимчин, шилдэг бүжигчин, соёлын биет бус өвийг өвлөн уламжлагч гэсэн долоон төрлөөр шалгаруулсан юм.

Оны тайз дэлгэцийн шилдэг жүжигчин шагналын эзнээр “Миний нууц” уран сайхны киноны “Хандмаа”-гийн дүрийг чадварлагаар бүтээсэн гавьяат жүжигчин, “Хувьсал” продакшны захирал, жүжигчин Уртнасангийн Уранчимэг тодорсон юм.

Тэрбээр өөрийн цахим хуудсандаа: Соёл, урлагийн салбарын уран бүтээлчдээс оны ШИЛДГИЙН ШИЛДГИЙГ шалгаруулан урамшуулдаг “Мөнгөн мод” 2017 шагнал гардуулах ёслолын ажиллагаанд Хувьсал продакшны дэлгэцийн 5 дахь бүтээл “МИНИЙ НУУЦ” уран сайхны киноны “Хандмаагийн дүрээр”
Шилдэг эмэгтэй жүжигчин шагнал авсан байна.Өчүүхэн хөдөлмөрийг минь үнэлсэнд баярлалаа…Кинонд хамтран ажилласан нийт хамт олондоо талархая. Ёслолын ажиллагаанд очиж амжаагүйд хүлцэл өчье.in Milan, Italy”гэж сэтгэгдлээ илэрхийлжээ.