Өглөө.мн Шинэ өглөө, Шинэ мэдээлэл
2017 онд үйлдвэрлэгдсэн Лексус 570 машинаар Хууль зүй, Дотоод хэргийн сайд Ц.Нямдорж гангарч байгаа. Олон нийт түүнийг шүүмжилж байгаа хэдий ч тэрээр тоосон шинжгүй “Манай яамныхан хуучин машинаа зараад надад энэ машиныг авч өгсөн” гээд л яриад зогсож байв.
Эдийн засаг хүндрэлтэй, иргэд бүсээ чангалж, халаасаа тэмтрүүлж байгаа энэ үед сайд дарга нарын тансаглаж болмооргүй. Гэвч Ц.Нямдорж сайд байх ёстой мэт, шинэ машин унах ёстой мэтээр үл тоож байгаад иргэд дургүйцлээ илэрхийлсэн.
Тэгвэл Ерөнхий сайд У.Хүрэлсүх энэ асуудлаар байр сууриа илэрхийллээ. Тэрээр “Ц.Нямдорж сайдад “наад машинаа зарж мөнгийг нь төсөвт оруул” гэж хэлсэн. Мөн цаашид ийм асуудал гаргахгүй байхад анхаарч ажилла гэсэн чиглэл өгсөн” гэж мэдэгдсэн юм.
