Өглөө.мн Шинэ өглөө, Шинэ мэдээлэл
НИТХ–ын Тэргүүлэгчдийн хуралдаан маргааш 10:00 цагт зохион байгуулагдахаар болжээ. Энэ удаагийн хуралдаанаар “Замын цагдаагийн газрын ойролцоо гүүрэн гарц барих” төслийн ажлыг эрчимжүүлэх талаар авах арга хэмжээний тухай, “Авто худалдааны цогцолбор” ОНӨААТҮГ-ыг өөрчлөн байгуулах тухай, 100 айл дахь барилгын материалын зах, худалдааны төвийг үе шаттай нүүлгэн шилжүүлэх асуудлыг судлах ажлын хэсгийн танилцуулга -хэлэлцүүлэг , НИТХ–ын хуралдаан зарлах тухай зэрэг асуудлыг хэлэлцэх юм байна.
Дашрамд дурдахад “Замын цагдаагийн газрын ойролцоо баригдах гүүрэн гарц” барих ажлыг өнгөрсөн оны 5-р сарын сүүлээр эхлүүлсэн. Гүүрэн гарцын бүтээн байгуулалтын ажилтай холбогдуулж 4-р сарын 1-нээс жил 6 сарын хугацаатай Олимпийн гудамжны замын хөдөлгөөнийг хаахаар болсон юм. Тэгвэл энэхүү ажлыг эрчимжүүлэх болон шийдлээ хүлээсэн цаг үеийн тулгамдсан асуудлуудыг маргааш НИТХ–ын тэргүүлэгчид хэлэлцэж шийдвэрлэхээр болжээ.
