Өглөө.мн Шинэ өглөө, Шинэ мэдээлэл
Энэ сарын 2-ны өдөр цахим сүлжээгээр нэгэн эрэгтэй хүүхдийг гэрт нь зодож буй бичлэг тархаж эхэлсэн. Энэ бичлэгтэй холбоотой асуудлаар ЦЕГ–ын Хүүхдийг гэмт хэргээс урьдчилан сэргийлэх тасгийн дарга, цагдаагийн ахмад Д.Будзаан мэдээлэл хийлээ.
Тэрбээр “2018 оны 4-р сарын 25-ны өдрөөс эхлэн нийтийн цахим сүлжээгээр хүүхдээ зодож байгаа аавын бичлэг тавигдаж эхэлсэн. Энэхүү бичлэг Монгол Улсад хийгдээгүй, энэхүү бичлэг нь дээр байгаа хүү болон аав хоёр,Монгол Улсын иргэн биш. Гэхдээ энэ бол хүүхдийн эсрэг үйлдэгдэж буй гэмт хэрэг. Дэлхийн хаана ч хүүхдийн эрх зөрчигдөх ёсгүй. Энэхүү бичлэгтэй холбоотой асуудлыг ЦЕГ–ын эрүүгийн цагдаагийн албаны кибер гэмт хэрэг мөрдөх хэлтэс шалгаж байна. Мөн хүүхдийн эрхийг хамгаалах чиглэлээр цагдаагийн байгууллага олон талт ажлуудыг хийж байгаа” гэж мэдэгдлээ.
