Тархи гэмтээдэг 10 зуршил

1. Өглөөний цай уухгүй байх – Өглөөний цайгаа уухгүй байх нь цусан дахь глюкозын /сахар/ хэмжээг бууруулдаг. Энэ нь тархины тэжээлийн дутагдалд хүргэх ба цаашлаад тархины үйл ажиллагааны доройтолд хүргэдэг аж.

2. Хэтрүүлэн идэх – Энэ нь тархины судсуудыг хатууруулдаг ба ингэснээр оюун ухаан муудна.

3. Тамхи татах – Тамхи татах нь тархийг жижигрүүлэн агшаадаг ба “Алцхеймер”-ийн  /зөнөх/ өвчинд хүргэж ч болно.

4. Чихэрлэг зүйл их хэрэглэх – Чихэрлэг зүйл хэтрүүлэн хэрэглэх нь уураг тэжээлийн шингээлтийг доголдуулдаг ба тархины тэжээлийн дутагдалд оруулж, тархины хөгжлийг сааруулдаг.

5. Агаарын бохирдол – Тархи бол бидний амьсгалж буй хүчилтөрөгчийн хамгийн их хувийг хэрэглэдэг эрхтэн юм. Бохирдсон агаараар амьсгалах нь тархины хүчилтөрөгчийн хангамжийг бууруулж тархины үйл ажиллагаа алдагдахад хүргэнэ.

6. Нойрны дутагдал – Нойрсолт нь тархийг амраадаг. Удаан хугацааны нойргүйдэл нь тархины мэдрэлийн эсүүдийн үхлийг түргэсгэдэг.

7. Толгойгоо бүтээж унтах – Унтахдаа толгой дээгүүрээ юм нөмрөх гэх мэт толгойгоо бүтээж унтах нь нүүрсхүчлийн хийн төвлөрөлийг нэмэгдүүлж, хүчилтөрөгчийн төвлөрөлийг бууруулдаг. Ингэснээр тархи хүчилтөрөгчийн хангамжийн дутагдалд орж, улмаар тархийг гэмтээдэг.

8. Өвчтэй байхдаа ажиллах эсвэл сурах – Өвдсөн үедээ ажил, сургуульдаа явах нь тархины үйл ажиллагааг бууруулж гэмтээх нөлөө үзүүлнэ.

9. Бага бодох – Та ямар нэг зүйлийг бодох нь тархийг хөгжүүлэх хамгийн сайн дасгал болдог ба ямарваа нэг зүйлийн талаар бодохгүй байх, бодохоо багасгах нь тархийг агшааж, хатингаршилд хүргэдэг.

10. Ховор ярих – Оюунлаг, ухаалаг харилцан яриа нь тархины үйл ажиллагааг дэмждэг.