Дорнод аймагт “Аврагчийн гараас амьдрал цэцэглэнэ” хөшөө сүндэрлэлээ

Дорнод аймгийн төв Хэрлэн сумын “Найрамдал” цэцэрлэгт хүрээлэнд Онцгой байдлын газраас санаачлан “Аврагчийн гараас Амьдрал цэцэглэнэ” хөшөө босгожээ.

Тус хөшөөг албан үүргээ гүйцэтгэж яваад амь үрэгдсэн баатруудынхаа гэгээн дурсгалыг хүндэтгэж, үе үеийн аврагч, гал сөнөөгчдийг алдаршуулах, баатарлаг үйлсийг нь ард иргэдэд сурталчлах, шинэ үеийн залууст эх оронч үзлийг төлөвшүүлэх зорилгоор бүтээсэн аж.