УИХ-ын гишүүн Л. Оюун-Эрдэнийн Хууль засаглах уу? Хувь хүн захирах уу? нийтлэлийн онцлох ишлэлүүд

УИХ-ын гишүүн Л. Оюун-Эрдэнийн baabar.mn сайтад нийтэлсэн Хууль засаглах уу? Хувь хүн захирах уу? нийтлэлийн онцлох ишлэлүүдийг хүргэж байна.

-Улс төрчдийн утасны цохилтоор хэрэг шийдэж, хуулийг өөр өөрөөр хэрэглэсээр өөрсдөө ч танихаа больсон хуулийн засаглалаа хамтдаа аварцгаая!

-М.Энхболд гэдэг хүний асуудлыг Х.Энхжаргал хаацайлсныг Л. Оюун-Эрдэнэ гаргасан нь хүмүүс хоорондын асуудал биш.Харин Хууль засаглах уу? Хувь хүн захирах уу? гэдэг ардчиллын үнэт зүйлтэй холбоотой тогтолцооны асуудал юм.

-“60 тэрбум”-ын гэх энэхүү дуулиант асуудалд хэрхэн хандсан хууль хяналтын байгууллагуудын дүгнэлтүүд ирээдүйд ёс зүйн хуулийн засаглалын хариуцлагын гээд олон зүйлсийн урагшлах ухрахын зааг, түүхэн судлагдахуун болж үлдэх болно гэдгийг битгий мартаарай.

-Цонхоо нээгээд цоо шинэ 25 жил Хаврын улирал шиг гадаа чинь ирчихсэн байгааг олж хараач!!!

-Нам гэдэг явцуу эрх ашгаас дээгүүр, улс орон гэдэг язгуур үнэт зүйлээ тавихгүй бол авлигын далайд хамтдаа живлээ.

-Өчигдөрхөн ах нараа за гээд дагадаг Монголын залуу үе өнөөдөр тэднээс яагаад гэж асуудаг бас үгүй гэж хэлдэг болжээ.

-Хүссэн ч эс хүссэн ч, гуйсан ч гуядсан ч уйлсан ч уурласан ч өчигдрөөс өнөөдөр өөр болсныг хүлээн зөвшөөрөөч…