Өглөө.мн Шинэ өглөө, Шинэ мэдээлэл
Үндэсний соёл амралтын хүрээлэн буюу бидний нэрлэж заншсанаар Хүүхдийн паркийн “Сансрын хөлөг” тоглоом агаарт эргэж байхдаа хугарч, дотор нь сууж байсан зургаан хүүхэд бэртсэн хэрэг энэ сарын 13-нд гарсан билээ. Эл хэрэг гарсан даруйд хүүхдийн паркийн үйл ажиллагааг зогсоож, хяналт шалгалтын ажиллагааг явуулж эхэлсэн. Тэгвэл Нийслэлийн мэргэжлийн хяналтын газраас энэ жилийн наадмаар хүүхдийн парк ажиллахгүй гэх мэдээллийг өглөө. Тэд “Бид хүүхдийн тоглоомын үйл ажиллагаанд бүрэн хяналтыг тавьж байна. Парк ажиллахгүй. Осол гарсантай холбогдуулан үйл ажиллагааг нь зогсоосон. Хүүхдийн паркийн 21 тоглоомын техникийн бүрэн байдлыг хангахаар ажиллаж байна. Одоогоор акт сэргээгдээгүй” гэсэн юм.
