Хуучин хэвлэх үйлдвэрийн барилгад гал гарчээ

Хуучин “Улаанбаатар таймс” сонины Хэвлэх үйлдвэрийн барилга дээр нь нэг давхар нэмж нийт гурван давхар бүхий барилга барьж байгаа билээ.

Тэгвэл өнөөдөр үүрээр тус барилгад гал гарсан байна. Энэ талаар Нийслэлийн онцгой байдлын газраас тодруулахад “Үүрээр гал гарсан. Манай гурван анги дуудлагын дагуу очиж ажиллан, галыг унтраасан. Урьдчилсан байдлаар цахилгаан кабелиас болж гал гарсан гэж газар дээр нь очиж ажилласан хүмүүс дүгнэсэн” гэлээ.