Өглөө.мн Шинэ өглөө, Шинэ мэдээлэл
Сүүлийн үед цахим орчинд “Ривер гарден” хотхонтой холбоотой мэдээллүүд тарах болсон. Үүнд борооны улмаас тус хотхоны зоорийн давхар усанд автаж, байрнууд 5-8 хэмийн хазаалт өгсөн, нэг хүн цахилгаанд цохиулж амь насаа алдсан зэрэг мэдээллүүд байсан юм. Тэгвэл дээрх мэдээлэл ор үндэсгүй худал нийтлэл болохыг албаны хүмүүс хэлж байна.
НОБГ-ын Гамшгаас урьдчилан сэргийлэх хэлтсийн мэргэжилтэн Б.Солонго“Онцгой байдлын албанаас Ривер гарден хотхонд очиж ажиллаагүй. Цахим орчин яригдаад байгаа Д.Самбуу гэх алба хаагч НОБГ-т ажилладаггүй. Бид хэвлэлийн бага хурал хийсэн. Хэвлэлийн хурлын зургийг ашиглаж, мэдээлэл тавьсан байна лээ. Тэр мэдээлэл бол худлаа мэдээлэл” гэсэн тайлбарыг өглөө.
