Дэлхийн Ази, Ази-Америкийн сайхан бүсгүй шалгаруулах тэмцээнд Монгол эмэгтэй түрүүлэв

“Дэлхийн Ази болон Ази-Америк сайхан бүсгүй шалгаруулах тэмцээн” АНУ-ын Сан-Франциско хотноо энэ сарын 04-нд болж, шилдгүүдээ тодрууллаа.
Тус тэмцээнд 500 гаруй үзэсгэлэнт бүсгүйчүүд гоо үзэсгэлэн, авьяас чадвараараа өрсөлдсөнөөс монгол бүсгүй Ж.Учрал энэ жилийн тэргүүн байрын титмийг зүүв. Тэрбээр 17 настай бөгөөд энэхүү тэмцээний түүхэн дэх хамгийн залуу “Хатан хаан” боллоо.

АНУ дахь Ази-Америкчуудын соёл урлагийн наадмын томоохон хэсэг болох энэхүү тэмцээнийг 1986 оноос зохион байгуулж эхэлжээ.