Энэ өвөл 800 тонн цас мөс хайлуулах бодис хэрэглэнэ

Нийтийн үйлчилгээний “Улаанбаатар” нэгтгэл байгуулагдаад удаагүй ч өвөлжилтийн бэлтгэл ажилдаа шуурхайлан ороод байна. Тус нэгтгэл нь  Улаанбаатар хотын төвийн хэсгийн 260 км замын цас, мөс хальтиргаа гулгааг хариуцан ажиллах бөгөөд цас шүүрдэж хусдаг, бодис цацдаг “Камаз” маркийн 5 машин, бодис цацдаг төхөөрөмж суурьлуулсан 6 “Портер”,  “Автотрейлер” 1, “Ковш”  2, “Hino” маркийн 2 машинтай ажиллах юм. Өмнөх жилүүдэд зам цэвэрлэгээний ажилтнууд /шар хантаазтан/ цас, мөс цэвэрлэдэг байсан бол энэ жилээс ногоон байгууламжийн цэцэрлэгчид, зам цэвэрлэгээний машины ажилтнууд зэрэг улирлын чанартай ажил гүйцэтгэдэг хүмүүсээр хүний нөөцөө нэмэгдүүлж, нийт 140 хүн ажиллахаар болжээ.
Одоогоор нөөцөнд 300 тн цас хайлуулах давс бэлэн байгаа бөгөөд Захирагчийн Ажлын Албаны Тохижилт, хог хаягдлын удирдлагын хэлтсээс нэмж 500 тн бодис авахаар тендер зарлаад байна. Мөн байгаль орчинд хор нөлөөгүй цас мөс арилгагч шингэн уусмалыг энэ өвөл шинээр туршиж үзэхээр бэлтгэлээ хангаж байгаа бөгөөд туршилт амжилттай болбол цааш  нь үргэлжлүүлэх юм.
Өвлийн бэлтгэл ажилтай холбоотой борооны болон хөрсний ус зайлуулах шугам сүлжээний давтан цэвэрлэгээг 2013 оны 8 сарын 03-ны өдрөөс эхлэн хийж, Чингэлтэй дүүргийн 14 гудамж, Сүхбаатар дүүргийн 16 гудамжнаас нийт 86,3м³ лаг хогийг, Баянгол дүүргийн  8 гудамжийг дахин цэвэрлэж, 84,20м³ лаг хогийг цэвэрлэлээ. Сонгинохайрхан, Хан-уул дүүргийн 9 гудамж, байршилд давтан цэвэрлэгээ хийсэн ба нийт 83,13м³ лаг хогийг цэвэрлэсэн бөгөөд одоогоор Баянзүрх дүүрэгт давтан цэвэрлэгээ хийж байна. Мөн шугам сүлжээний худгуудын засварварлаж, 40 х 80 хэмжээтэй шүүрт худаг 59,  40х50 хэмжээтэй шүүрт худаг 33, үзлэгийн худаг 13-ыг нөхөн сэргээж, хэвийн ажиллагаатай болголоо гэж нийтийн үйлчилгээний “Улаанбаатар” нэгтгэлээс мэдээллээ.

Санал болгох мэдээ

Б.Чинзориг: Аж ахуйн нэгж байгууллагууд стандартын дагуу цэвэршүүлээгүй бохир усыг төв цэвэрлэх байгууламжид нийлүүлбэл 2 сая төгрөгөөр торгодог

Хан-Уул дүүргийн хэмжээнд Усны тухай хууль тогтоомжийг зөрчих зөрчлийн хэргийн гаралт ямар байгаа талаар тус …