Өглөө.мн Шинэ өглөө, Шинэ мэдээлэл
Хөгжлийн бэрхшээлтэй иргэдийг асарч, хамгаалах үйл ажиллагаа явуулдаг “Ачлалт хүүхдүүд” ТББ энэ сарын 18-нд нээлттэй хаалганы өдөрлөг зохион байгуулахаар болжээ.
Хөгжлийн бэрхшээлтэй, харж хандах хүнгүй насанд хүрсэн иргэдийг холбогдох байгууллагуудын ирүүлсэн тодорхойлолтын дагуу хүлээн авч, асрамж, хамгааллын үйлчилгээг сайн дураар үзүүлдэг “Ачлалт хүүхдүүд” ТББ өнгөрсөн дөрөвдүгээр сард шинэ байртай болсон.
Нээлттэй хаалганы өдрөөр иргэд, олон нийт, хамтран ажилладаг байгууллага болон бусад хүмүүст үйл ажиллагааныхаа тайланг тавих юм байна. Тус төвийн үйл ажиллагаатай танилцахыг хүссэн хүн бүр нээлттэй хаалганы өдөрт очиж болох юм байна. “Ачлалт хүүхдүүд” ТББнь Баянхошууны Хөтлийн автобусны буудлын ойролцоо байрладаг юм.
