Cири Улсын иргэд зөвшөөрөлгүйгээр шонхор барьсныг илрүүлжээ

Хэнтий аймгийн  Галшар суманд Арабын Сири улсын иргэн I, A, R нар зохих зөвшөөрөлгүй шонхор шувуу барьсан хэргийг илрүүлэн шалгаж байна гэж ЦЕГ-аас мэдээллээ.

Мөн Баянхутаг сумаас иргэн М, М нар нь бүлэглэн тээврийн хэрэгсэл ашиглаж зургаан тооны адууг бэлчээрт нь төхөөрч, шулсан хэргийг тус аймгийн цагдаагийн газрын Эрүүгийн ахлах мөрдөгч, цагдаагийн хошууч Ж.Батжаргалаар ахлуулсан ажлын хэсэг халуун мөрөөр нь илрүүлэн шалгалтын ажиллагааг үргэлжлүүлж  байна.