Улаанбаатарт 19 хэм

2013 оны 10 дугаар сарын 05-ны 08 цагаас 20 цаг хүртэлх
цаг агаарын урьдчилсан мэдээ:

   Ихэнх нутгаар үүлшинэ. Баруун зүгийн нутгийн зарим газар, төвийн нутгийн хойд хэсгээр хур тунадас орно. Салхи нутгийн баруун хэсгээр хойноос, бусад нутгаар баруун өмнөөс секундэд 5-10 метр, баруун болон төвийн нутгийн зарим газраар секундэд түр зуур 16-18 метр, говь талын нутгаар секундэд 12-14 метр хүрч, шороон шуурга шуурна. Алтай, Хангай, Хөвсгөлийн уулархаг нутаар 4-9 градус, говийн нутгийн өмнөд хэсгээр 22-27 градус, баруун зүгийн нутгаар 8-13 градус, бусад нутгаар 15-20 градус дулаан байна.

УЛААНБААТАР ХОТ: Үүлшинэ. Хур тунадас орохгүй. Салхи өмнөөс секундэд 7-12 метр, зөөлөн шороон шуурга шуурна. 18-20 градус дулаан байна.

Өглөө 05 цагт Улаанбаатарт: 8 градус дулаан, харьцангуй чийг 32 хувь, агаарын даралт 864 гектопаскаль байлаа. Даралт өдөртөө буурна.