Налайхын уурхайд хоёр хүн осолджээ

Нийслэлийн Налайх дүүргийн гуравдугаар хороонд иргэн З-гийн эзэмшлийн уурхайд хоёр иргэн амиа алджээ. Тодруулбал, энэ тухай дуудлага энэ сарын 7-ны өдөр  20:11 цагт Онцгой байдлын газарт ирсэн байна.

Дуудлагын дагуу 19 аврагч тухайн өдрийн 20:20 цагт очиход 55 градусын налуутай, 82 метрийн гүнд агаарын хоолой тасарч, хоёр хүн нас барсан харамсалтай хэрэг гарсан байсан аж. Осолдсон иргэд нь тус дүүргийн гуравдугаар хорооны оршин суугч, 42 настай эрэгтэй З, 28 настай эрэгтэй Б  нар байсан бөгөөд хүчилтөрөгчийн дутагдалд орж амиа алдсан байжээ.

Осол болсон уурхайд онцгой байдлын аврагчид 1.10 цаг орчим ажилласны эцэст цогцсыг гаргаж, цагдаа болон эмнэлгийн байгууллагад шилжүүлэн өгсөн байна.