Өглөө.мн Шинэ өглөө, Шинэ мэдээлэл
Эмнэлзүйн сургагч багш бэлтгэх сургалт боллоо. ЭМЯ, Эрүүл мэндийн хөгжлийн төв, Японы олон улсын хамтын ажиллагааны “Жайка” байгууллагатай хамтран “Монгол Улсын анхан ба хоёр дахь шатлалын эмнэлгийн мэргэжилтний төгсөлтийн дараах сургалтыг сайжруулах” төслийг таван жилийн хугацаатай хэрэгжүүлж байгаа.
Төслийн хүрээнд эмнэлзүйн (резидент) сургагч багш бэлтгэх сургалтыг 2016 оноос эхлүүлсэн. Энэ хугацаанд 17 удаа сургалт зохион байгуулж, 393 эмчийг хамруулсан байна. Үүнээс 68 нь үндэсний чиглүүлэгч багш болжээ. Энэ удаагийн сургалт сувилахуйн мэргэжилтнийг эмнэл зүйн сургагч багшаар бэлтгэж буйгаараа онцлог юм. Сургалтад төв эмнэлэг, тусгай эмнэлэг, нийслэлийн амаржих газрууд, Хувийн хэвшлийн эрүүл мэндийн байгууллагын 15 эмч, есөн сувилахуйн мэргэжилтэн зэрэг нийт 24 хүн оролцож байгаа юм.
