Өглөө.мн Шинэ өглөө, Шинэ мэдээлэл
Бельги улсын Брюссель хотноо болж буй АСЕМ-ын дээд хэмжээний чуулга уулзалтын соёл урлагийн фестивальд Монгол Улсын гавьяат жүжигчин, Чингис хааны одонт дуучин Г.Ариунбаатар уригдан оролцож өчигдөр /2018.10.19/Брюсель хотын Fine art centre-ийн Salon Europa танхимд ая дуугаа өргөжээ.
Тэрбээр Шубертийн “Standchen”/1828/, П.И.Чайковскийн “Non but the lonely Heart” /1869/ зэрэг дэлхийн сонгодог бүтээлүүд, мөн Төрийн шагналт хөгжмийн зохиолч Б.Шаравын “Монголын тал нутаг”, Төрийн хошой шагналт, Ардын жүжигчин Н.Жанцанноровын “Чиний нулимс” зэрэг дууг дуулсан байна.
