Шүүгчид сахилгын шийтгэл ногдуулжээ

Шүүхийн ёс зүйн хорооны нийт гишүүдийн хуралдаан өнгөрсөн баасан гаригт (2018.10.19) боллоо. Хуралдаанаар 19 шүүгчид холбогдох 13 гомдол хэлэлцсэн байна. Улмаар 5 шүүгчид сануулах, 1 шүүгчид огцруулах, 1 шүүгчид 2 сар цалинг 20 хувиар бууруулах сахилгын шийтгэл ногдуулжээ. Харин 3 шүүгчид холбогдох 1 гомдолд сахилгын хэрэг үүсгэхээс татгалзсан тогтоолыг хэвээр баталж, 5 шүүгчид холбогдох 4 гомдлыг хойшлуулж шийдвэрлэлээ гэж шүүхийн ёс зүйн хорооны ажлын албанаас мэдээллээ.