Өглөө.мн Шинэ өглөө, Шинэ мэдээлэл
Улаанбаатар хотын хамгийн их түгжирдэг Цэцэг төв, Багшийн дээд, Цаг уур, орчны шинжилгээний газар, Үндэсний төв музейн уулзвар гэсэн нийт нийслэлийн дөрвөн томоохон уулзварт өнгөрсөн долоо хоногт шар тэмдэглэгээг хийж гүйцэтгэсэн.
Гэтэл шар тэмдэглэгээ эхнээсээ арилж эхэлсэн гэх ташаа мэдээлэл цахим хуудсуудаар нийтлэгдэж эхэллээ.
Энэ талаар тодруулахад, хүйтний улиралд авто замын арчлалт хийх ажил зогссонтой холбоотойгоор замын тоосжилт, тортог, агаарын бохирдол, авто замын гадаргуугийн бохирдлоос шалтгаалж өнгө бүдгэрсэн хэмээн Улаанбаатар зам засвар, арчлалтын газраас мэдэгдлээ. Улмаар авто замын цэвэрлэгээ хийж олон нийтэд харууллаа.
Мөн хүйтний эрч эхлэхээс өмнө барилгын ажил хийгдэж байгаа энэ үед кран, бетон зуурмагийн машин, хүнд даацын автомашны дугуйнд наалдсан элдэв хаягдал, шавар нь авто замын тэмдэг, тэмдэглэгээний ажлыг гол бохирдуулах нөхцөл шалтгаан болж байна гэсэн юм.
