“Авьяаслаг Монголчууд” шоуны хагас финал Ням гаригт эхэлнэ

Үзэгчдийг цэнхэр дэлгэцийн өмнө уяж чаддаг “Авьяаслаг Монголчууд-2018” шоуны шилдэг 32 оролцогч энэ сарын 4-нд тодорсон билээ.Уг шоуны шилдэг 32-т дөрвөн шүүгч болон хөтлөгчдийн дэмжсэн таван оролцогч шууд шалгарсан бол үлдсэн 27 оролцогчийг шүүгчид хэлэлцсэний эцэст тодруулсан юм.

“Авьяаслаг монголчууд-2018” шоуны үеэр биднийг уйлуулж, дуулуулж, инээлгэж, багагүй ухаарал хайрласан цөөнгүй авьяаслаг оролцогчид шилдэг 32-т тэнцээгүйд зарим үзэгчид бухимдалтай хандаж буй нь анзаарагдав.

Эдгээр дуулиан шуугиантай тодорсон шилдэг 32 оролцогчдын эхний долоон оролцогч энэ сарын 18-нд хагас финалын төлөө өрсөлдөх юм.