Солонготын давааны орчимд осол гарч дөрвөн хүн гэмтжээ

Завхан аймгийн Тосонцэнгэл сумаас 130 гаруй километрт Солонготын давааны өвөрт шороон замд энэ сарын 21-ний өдрийн 20:30 цагийн орчимд Land cruiser-200 маркийн автомашин замаас гарч гүүрний далан мөргөж дөрвөн хүн гэмтсэн хэрэг гарчээ.

Ослын талаар Тээврийн цагдаагийн албанаас “Өчигдөр 20.30 цагт “Ланд-200” автомашин гүүрний далангийн эрэг мөргөснөөс болж осол гарсан. Машинд нэг эмэгтэй, гурван эрэгтэй дөрвөн хүн явж байсан. Тэднийг Архангай аймгийн нэгдсэн эмнэлэгт эмчлүүлж байгаа ч эмэгтэй нь одоог хүртэл /2018.11.22-ны 12.00 цагийн үед/ ухаан ороогүй байна” гэж мэдээллээ.