Өглөө.мн Шинэ өглөө, Шинэ мэдээлэл
Улаанбаатар хотод үүсээд буй агаарын бохирдлын асуудал Нэгдсэн Үндсэн байгууллагыг анхаарлаа хандуулж, туслалцаа үзүүлэхийг хүссэн аяныг өрнүүлээд байна.
Нэгдсэн Үндсэн байгууллагад дуу хоолойгоо хүргэхээр 50 мянга гаруй иргэн нэгдээд байгаа юм.Тэгвэл Нэгдсэн Үндэстний Байгууллагаас албан ёсны мэдэгдлийг гаргажээ.
Уг мэдэгдэлд, “Агаарын бохирдлын асуудалтай тулгараад байгаа улс орнуудын тоо нэмэгдэж байгаа бөгөөд тэдгээрийн нэг нь Монгол Улс болоод байна. Харамсалтай нь, энэ асуудалд хялбар бөгөөд хурдан шийдэл байхгүй. Агаарын бохирдлыг бууруулахад төрийн болон хувийн хэвшлийн урт хугацааны хөрөнгө оруулалт шаардлагатай. НҮБ нь бодлого болон аргачлалын зөвлөгөө үзүүлдэг бөгөөд зохих шийдвэрүүдийг гаргаж санхүүжилт болон бусад асуудлуудыг шийдвэрлэх ажлыг тухайн улсын Засгийн газар манлайлан, дотоодын бусад талуудтай хамтран хийх ёстой” гэжээ.
