Өглөө.мн Шинэ өглөө, Шинэ мэдээлэл
Нийслэлийн Баянзүрх дүүрэгт харьяалагдах “Баянзүрх” захад урьд шөнө гал гарчээ. Галын шалтгаан нөхцөлийг Нийслэлийн онцгой байдлын газраас тодруулахад”12 дугаар сарын 18-ны өдрийн 21:56 цагт Баянзүрх дүүргийн 6 дугаар хороо, Баянзүрх захын 1 дүгээр давхарт гал гарч байна гэсэн дуудлагаар Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 алба хаагч, 2 автомашинтайгаар хүрэлцэн очиход 1 дүгээр давхрын зургаан ширхэг лангуу барааны хамт шатаж байсныг 25 минут ажиллан, 1,5 тэрбум төгрөгний өмч хөрөнгийг авран хамгаалж, богино хугацаанд хохирол багатайгаар унтрааж ажиллалаа”гэв. Одоогийн байдлаар юунаас болж гал гарсаныг БЗД-ийн цагдаагийн нэгдүгээр хэлтэст шалгаж байна.
